#3401

محمود بن لبید رضی الله عنہ کہتے ہیں کہ رسول اللہ صلی اللہ علیہ وسلم کو ایک شخص کے بارے میں بتایا گیا کہ اس نے اپنی بیوی کو اکٹھی تین طلاقیں دے دی ہیں، ( یہ سن کر ) آپ غصے سے کھڑے ہو گئے اور فرمانے لگے: ”میرے تمہارے درمیان موجود ہوتے ہوئے بھی تم اللہ کی کتاب ( قرآن ) کے ساتھ کھلواڑ کرنے لگے ہو ۱؎“، ( آپ کا غصہ دیکھ کر اور آپ کی بات سن کر ) ایک شخص کھڑا ہو گیا اور اس نے عرض کیا: اللہ کے رسول! کیوں نہ میں اسے قتل کر دوں؟۔

اخبرنا سليمان بن داود، عن ابن وهب، قال اخبرني مخرمة، عن ابيه، قال سمعت محمود بن لبيد، قال اخبر رسول الله صلى الله عليه وسلم عن رجل، طلق امراته ثلاث تطليقات جميعا فقام غضبانا ثم قال " ايلعب بكتاب الله وانا بين اظهركم " . حتى قام رجل وقال يا رسول الله الا اقتله