#2460

جریر رضی الله عنہ کہتے ہیں کہ رسول اللہ صلی اللہ علیہ وسلم کے پاس کچھ دیہات کے لوگ آئے، اور انہوں آپ سے عرض کیا: آپ کے بھیجے ہوئے کچھ محصل زکاۃ ہمارے پاس آتے ہیں جو ہم پر ظلم کرتے ہیں، تو آپ نے فرمایا: ”اپنے زکاۃ وصول کرنے والوں کو راضی و مطمئن کرو“، انہوں نے عرض کیا: اگرچہ وہ ظلم کریں۔ آپ نے فرمایا: ”اپنے زکاۃ وصول کرنے والوں کو راضی کرو“، انہوں نے پھر عرض کیا: اگرچہ وہ ظلم کریں؟ آپ نے فرمایا: ”اپنے زکاۃ وصول کرنے والوں کو راضی کرو“۔ جریر رضی اللہ عنہ کہتے ہیں: جب سے میں نے رسول اللہ صلی اللہ علیہ وسلم سے یہ بات سنی اسی وقت سے کوئی محصل زکاۃ میرے پاس سے راضی ہوئے بغیر نہیں گیا۔

اخبرنا محمد بن المثنى، ومحمد بن بشار، - واللفظ له - قالا حدثنا يحيى، عن محمد بن ابي اسماعيل، عن عبد الرحمن بن هلال، قال قال جرير اتى النبي صلى الله عليه وسلم ناس من الاعراب فقالوا يا رسول الله ياتينا ناس من مصدقيك يظلمون . قال " ارضوا مصدقيكم " . قالوا وان ظلم قال " ارضوا مصدقيكم " . ثم قالوا وان ظلم قال " ارضوا مصدقيكم " . قال جرير فما صدر عني مصدق منذ سمعت من رسول الله صلى الله عليه وسلم الا وهو راض