#1961

سلمہ بن الاکوع رضی الله عنہ بیان کرتے ہیں کہ نبی اکرم صلی اللہ علیہ وسلم کے پاس ایک جنازہ لایا گیا تو لوگوں نے کہا: اللہ کے نبی! اس کی نماز جنازہ پڑھ دیجئیے، آپ نے پوچھا: ”کیا اس نے اپنے اوپر کچھ قرض چھوڑا ہے؟“ لوگوں نے کہا: جی ہاں، آپ نے پوچھا: ”کیا اس نے اس کی ادائیگی کے لیے کوئی چیز چھوڑی ہے؟“ لوگوں نے کہا: نہیں، تو آپ صلی اللہ علیہ وسلم نے فرمایا: ”تم اپنے ساتھی کی نماز جنازہ پڑھ لو“، تو ابوقتادہ نامی ایک انصاری نے عرض کیا: آپ اس کی نماز ( جنازہ ) پڑھ دیجئیے، اس کا قرض میرے ذمہ ہے، تو آپ صلی اللہ علیہ وسلم نے اس کی نماز ( جنازہ ) پڑھی۔

اخبرنا عمرو بن علي، ومحمد بن المثنى، قالا حدثنا يحيى، قال حدثنا يزيد بن ابي عبيد، قال حدثنا سلمة، - يعني ابن الاكوع - قال اتي النبي صلى الله عليه وسلم بجنازة فقالوا يا نبي الله صل عليها . قال " هل ترك عليه دينا " . قالوا نعم . قال " هل ترك من شىء " . قالوا لا . قال " صلوا على صاحبكم " . قال رجل من الانصار يقال له ابو قتادة صل عليه وعلى دينه . فصلى عليه