#2667

அல்லாஹ்வின் தூதர் (ஸல்) அவர்கள் கூறினார்கள்: ஒரு முஸ்லிமின் செல்வத்தைப் பறித் துக்கொள்வதற்காக, ஒரு பிரமாணத்தின் போது திட்டமிட்டுப் பொய் சொல்லி சத்தியம் செய்கின்றவர், (மறுமையில்) தம்மீது அல்லாஹ் கோபம் கொண்டிருக்கும் நிலையில்தான் அவனைச் சந்திப்பார். இதன் அறிவிப்பாளரான அப்துல்லாஹ் பின் மஸ்ஊத் (ரலி) அவர்கள் கூறு கிறார்கள்: அஷ்அஸ் பின் கைஸ் (ரலி) அவர்கள் (வந்து), ‘‘அல்லாஹ்வின் மீதாணையாக! என் விவகாரத்தில்தான் இது நடந்தது. எனக்கும் ஒரு யூதருக்குமிடையே ஒரு நிலம் (தொடர்பான தகராறு) இருந்து வந்தது. அந்த யூதர் என் உரிமையை மறுத்தார். நான் அவரை நபி (ஸல்) அவர்களின் முன்னால் (கொண்டுபோய்) நிறுத்தினேன். அல்லாஹ்வின் தூதர் (ஸல்) அவர்கள், ‘‘உமக்கு ஆதாரம் ஏதும் உண்டா?” என்று என்னிடம் கேட்டார்கள். நான், ‘‘இல்லை” என்று பதிலளித்தேன். அந்த யூதரிடம் நபி (ஸல்) அவர்கள், ‘‘(நிலம் உன்னுடையது என்று) சத்தியம் செய்” என்று கூறினார்கள். நான், ‘‘அல்லாஹ்வின் தூதரே! அப்படி யென்றால், அவர் (தயங்காமல் பொய்) சத்தியம் செய்து என் செல்வத்தைக் கொண்டுபோய்விடுவாரே!” என்று கூறினேன். அப்போதுதான், ‘‘எவர் அல்லாஹ்விடம் செய்துகொண்ட ஒப்பந்தத்தையும் தம் சத்தியங்களையும் சொற்ப விலைக்கு விற்றுவிடுகிறார்களோ அவர்களுக்கு மறுமையில் எவ்வித நற்பேறுமில்லை. மறுமை நாளில் அவர்களிடம் அல்லாஹ் பேசவும்மாட்டான்; அவர்களை ஏறெடுத்துப் பார்க்கவும்மாட்டான்; அவர்களைத் தூய்மைப்படுத்தவும் மாட்டான். மாறாக, அவர்களுக்கு வதைக்கும் வேதனைதான் கிடைக்கும்” எனும் (3:77) வசனத்தை அல்லாஹ் அருளினான்” என்று கூறினார்கள். அத்தியாயம் :

حدثنا محمد، اخبرنا ابو معاوية، عن الاعمش، عن شقيق، عن عبد الله رضى الله عنه قال قال رسول الله صلى الله عليه وسلم " من حلف على يمين وهو فيها فاجر، ليقتطع بها مال امري مسلم، لقي الله وهو عليه غضبان ". قال فقال الاشعث بن قيس في والله كان ذلك، كان بيني وبين رجل من اليهود ارض فجحدني، فقدمته الى النبي صلى الله عليه وسلم فقال لي رسول الله صلى الله عليه وسلم " الك بينة ". قال قلت لا. قال فقال لليهودي " احلف ". قال قلت يا رسول الله اذا يحلف ويذهب بمالي. قال فانزل الله تعالى {ان الذين يشترون بعهد الله وايمانهم ثمنا قليلا} الى اخر الاية